Кој ќе говори на конференцијата?

Професорот О`Саливан е основач и претседател на Асоцијацијата за тестирање и оценување на познавање на јазик во Велика Британија. Тој е почесен гостин предавач на Универзитетот во Ридинг и Универзитетот Рохемптон во Велика Британија, како и на Универзитетот за технологија МАРА (Куала Лумпур) и Универзитетот во Лисабон. Неговиот најнов ангажман вклучува развој и изработка на тестот по англиски јазик Аптис, наменет за деловни субјекти.

Во 2016 година, професорот О`Саливан беше награден со стипендија на Академијата за социјални науки.

Д-р Данли работи на повеќе проекти за развој и изработка на тестови, за системите за оценување на знаење креирани и разработени од страна на Британскиот совет. Исто така соработува со истражувачи и меѓународни организации на други проекти. Од 2013 е дел од тимот на Британскиот совет, а претходно работел како главен истражувач на Фондацијата Eiken во Јапонија, непрофитна организација која се занимава со развој и администрација на тестирања за англискиот јазик како странски јазик. Има 25 години работно искуство во оваа област, најпрво како учител, а потоа со изработка на тестови и истражувања за оценување на познавање на јазик.

Нејзино поле на стручност е оценување на познавањето на англискиот јазик како втор/странски јазик. Има издадено неколку книги за подготовка за тестот ГЕПТ (GEPT - General English Proficiency Test) и одржано презентации на повеќе светски конференции. Има работено како учител по англиски јазик како странски јазик и обучувач на учители пред да се специјализира за оценување на познавање на јазик. Предмет на нејзиното истражување се тестови за изведба, предавање и оценување на пишување, проценка на тестови за зборување, како и комплексност на задачи.

Ричард Спиби, од јуни 2016 работи како истражувач за изработка на тестови за рецептивни вештини (читање и слушање, заедно со граматика и вокабулар). Негови главни ангажмани се анализа на оперативни податоци и развој на компонентите за рецептивни вештини на тестот Аптис.