Имав прекрасно искуство од учењето и соработката со тимот на „Media for All“ програмата, којашто е финансирана од Владата на Обединетото Кралство, во изминатите години, работејќи на имплементација на проекти. Сето знаење, размена на информации и искуства што ги стекнав ми служат за понатамошен развој на мене како личност но и BidiSvoj.mk како медиум. Од таа причина се пријавив повторно и сум благодарна што сум дел од овој проект и сум убедена дека со помош на тимот на Western Balkans Media for Change ќе создадам уште една успешна медиумска приказна. Менторката Orkidea Xhaferaj како и целиот тим на Western Balkans Media for Change во моментот се голема поддршка и поттик за успешно да го реализирам проектот.
Комплетната доверба во нас како апликатни и во нашите идеи, начинот на кој се одвиваа работилниците, со интеракција и пластични примери, посветеноста на секој еден учесник на обуките е она што ме импресионираше од тимот на Western BalkansMedia for Change. Од самите презентации и работилници добив совети и консултации не само за тековниот проект туку и за медиумското работење во целост. Подобрен, усовршен пристап кон публиката, гостите и сите засегнати страни (stakeholders) е бенефитот од работилниците и менторирањето до сега. Верувам во успешна реализација на мојата идеја.
Успешно снимена, продуцирана и лансирана прва епизода од серијалот поткасти „Во светот на жената“ е резултатот од поддршката на Western Balkans Media for Change. Со снимање на серијалот поткасти имам за цел да ја подигнам свеста кај граѓаните за еднакви можности на мажите и жените. Гости како Нела Масалковска во првата епизода, истакнати личност во ова поле, успешни жени но и жени од руралните средини ќе споделуваат инспиративни приказни и конкретни примери за тоа како жените можат да се активираат и да придонесат кон општествениот развој. Се стремам да ги охрабрам жените да ги остварат своите цели и да ги надминат предизвиците кои се наоѓаат пред нив.
Очекувам дека овој проект ќе придонесе за создавање на позитивни промени во општеството и ќе инспирира многу жени да се активираат и да го дадат својот придонес кон подобра и поеднаква иднина.
Координаторката за еднакви можности на мажите и жените, првата гостинка во поткастот, беше импресионирана од идејата и најави можност за соработка и заедничко реализирање на идни проекти како и финансиска поддршка, што е огромен успех за почеток на овој серијал поткасти.
За мали медиуми како нас, многу е важно да имаме безбедно место но и место каде ќе се чувствуваме комфорно за да ги обработуваме темите кои го засегаат нашето општество – родова еднаквост, маргинализираните групи и нивните права, младите и нивните предизвици итн. Благодарение на поддршката од Western Balkans Media for Change, успеваме да реализираме поткасти во кои отворено се дискутира на тема – Во светот на жената и тоа на еден родово сензитивен начин и да ја подигнеме свеста за родова еднаквост. Ќе им дадеме поголема видливост на успешните жени со цел мотивација на младите но и, медиумски простор на оние кои се обесправени со цел подобро интегрирање во општеството како и јавен апел за зајакнување на институционалната поддршка за истите.