Во ера кога доживуваме невиден подем на социјалните медиуми, секојдневно сме „бомбардирани“ од секакви информации – полувистини, поствистини, лажни вести, дезинформации... исклучително е важно да постојат медиуми кои се засноваат на етика и кои носат позитивна промена во овој хаотичен пејзаж. Во секојдневната борба за кликови и преживување, знаеме дека тоа е исклучително предизвикувачки.
Во Северна Македонија, каде професионалните независни медиуми се соочуваат со предизвици во однос на одржливоста, програмите како Western Balkans Media for Change играат значајна улога. Благодарение на поддршката, овие медиумски куќи продолжуваат со работа, пренесувајќи веродостојни, проверени, вредни информации со висок квалитетна различни теми – често отсутни во комерцијалните и мејнстрим медиуми.
ТВМ е првиот приватен локален медиум во Охрид, кој со својата работа започна во далечната 1992 година со емитување на првиот аналоген сигнал во Охридско-струшкиот регион. Оттогаш ТВМ е синоним за “охридска ТВ”, како што гледачите не нарекуваат, чувствувајќи не за своја – за телевизија на која и веруваат. 30 годишниот јубилеј го пречекавме силно решени и посветени да го задржиме тој имиџ.